Me rikthimet në ekran të Bora Zemani, Nevina Shtylla, Kiara Tito si edhe për herë të parë të Heidi Baci, ky sezon duket totalisht premtues.
Bora Zemani, pjesë prej vitesh tashmë e familjes së madhe të Top Channel, këtë herë do të vijë totalisht ndryshe si prezantuese e “Piramida Game Show”, ku çdo familje mund të fitojë çmime të mëdha.
Për Nevina Shtyllën kjo nuk është eksperienca e saj e parë si moderatore në programin më të dashur të humorit “Portokalli”, por këtë herë krah saj vjen një tjetër figurë e dashur e televizionit, moderatorja Kiara Tito.
Për herë të parë si prezantuese dhe moderatore, Heidi Bacin do ta shohim në krye të “Goca & Gra”, një ‘talk show’ ndryshe në Top Channel.
Ky sezon duket se i ka të gjitha, nga bisedat mbi tematika të ndryshme, në lojëra argëtuese gjithëpërfshirëse, e deri në emisionin më të ndjekur të humorit në Shqipëri. Për shikuesit lind veç një pyetje, çfarë do shohim më përpara?!.